Каб ездзіць грамадскім транспартам бясплатна, школьнікам трэба абнавіць даведкі

Па рашэнні Мінскага гарадскога савета дэпутатаў №232 ад 13 верасня 2016 года, навучэнцы і выхаванцы ўстаноў агульнай сярэдняй і спецыяльнай адукацыі Мінска могуць цэлы год карыстацца грамадскім транспартам і не плаціць за праезд.

У камітэце па адукацыі Мінгарвыканкама нагадалі: "Дзеці пераходзяць у наступны клас, у сувязі з гэтым патрабуецца абнаўленне даведкі для праезду навучэнца ў грамадскім транспарце на перыяд з 2017/07/01 да 2017/08/31, у тым ліку выпускнікам 9-х класаў, якія ў летні перыяд будуць задзейнічаны ў рэалізацыі праграм дадатковай адукацыі дзяцей і моладзі, праграм выхавання дзяцей, якія маюць патрэбу ў аздараўленні, а таксама якія бяруць удзел у буйнамаштабных масавых мерапрыемствах".

Як паведамляе minsknews.by, што тычыцца выпускнікоў 11-х класаў, то яны мелі права карыстацца бясплатным праездам у грамадскім транспарце да моманту заканчэння здачы выпускных экзаменаў і адлічэння іх з устаноў адукацыі — льготы дзейнічалі да 10 чэрвеня.