Шапіра заклікаў кіраўнікоў сельгаспрадпрыемстваў адмовіцца ад прыпісак
Старшыня Мінаблвыканкама правёў рабочую нараду, прысвечаную развіццю аграпрамысловага комплексу Мінскай вобласці.
Сямён Шапіра заклікаў не хаваць памылкі ў гаспадарчай дзейнасці з дапамогай прыпісак, а карэктаваць арганізацыю працы ў гаспадарках "з улікам назапашанага досведу" і пры строгім выкананні патрабаванняў ды нарматываў, інфармуе БЕЛТА. Адзначым, што факты прыпісак на сельгаспрадпрыемствах Беларусі нярэдка выяўляюцца кантралёрамі, распачынаюцца крымінальныя справы.
На нарадзе было паведамлена, што з-за невыканання тэхнічных рэгламентаў і "элементарнай безгаспадарчасці" Мінская вобласць не атрымлівае сельгаспрадукцыі на суму больш за 3 трлн рублёў.
Фота — ria.ru
