Сэт "Нейра Дзюбеля" на "Року за Баброў" адменены

Сэт "Нейра Дзюбеля" на "Року за Баброў" адменены

Сэт "Нейра Дзюбеля" на "Року за Баброў" адменены. Гурт мусіў выступаць на буйным мінскім фэсце 4 ліпеня з 13:15 па 13:45, паміж "J:МОРС" і "Дай дарогу!". Але пад канец сэта "J:МОРС" на сцэну выйшаў вядоўца фестываля Аляксандр Памідораў і паведаміў гледачам пра смерць лідара "Нейра Дзюбеля" Аляксандра Кулінковіча.

"Зараз на гэтай сцэне мусіў з'явіцца гурт "Нейра Дзюбель". На жаль, гэтага не адбудзецца. Сёння раніцай Аляксандр Кулінковіч памёр у 3-й клінічнай лякарні Мінска. На жаль, гэта праўда", — сказаў Памідораў.

Гледачы ўшанавалі памяць артыста хвілінай маўчання. А "J:МОРС", якія ў той час яшчэ знаходзіліся на сцэне, праспявалі ў гонар Кулінковіча свой хіт "Не умирай".

Аляксандр Кулінковіч памёр раніцай 4 жніўня ад раптоўнай пнеўманіі. Напярэдадні музыка адчуў сябе дрэнна і выклікаў "хуткую". Дактары суткі бароліся за яго жыццё, але выратаваць не змаглі.

Кулінковічу было 46 гадоў. У 1989 годзе ён разам з сябрамі заснаваў галоўны праект свайго жыцця — гурт "Нейра Дзюбель". Кулінковіч быў аўтарам тэкстаў і франтменам гэтага гурта, які аказаў вялікі ўплыў на некалькі пакаленняў беларусаў.

Апошнія навіны

Галоўнае

Выбар рэдакцыі