Сафія Сапега: перад вылетам Рому прысніўся сон, што мы прызямляемся ў Мінску
![Сафія Сапега: перад вылетам Рому прысніўся сон, што мы прызямляемся ў Мінску](/sites/default/files/styles/gallery_main/public/2023-08/safijas.png.webp?itok=P1MeTec_)
Маці палітзняволенай Сафіі Сапегі атрымала яе першыя два лісты з СІЗА КДБ (яны былі напісаныя 1 і 3 чэрвеня). Іх змест прыводзіць bbc.com. Сафія шкадуе, што не паспела абараніць магістарскую дысертацыю ў Еўрапейскім гуманітарным універсітэце. Гэтую падзею яны з Раманам Пратасевічам планавалі адзначыць у рэстаране. Але цяпер абодва за кратамі ў Беларусі.
23-гадовая Сафія Сапега была затрыманая ў мінскім аэрапорце 23 траўня. Расіянка ляцела з Пратасевічам у самалёце з Грэцыі ў Літву, які пасадзілі ў Беларусі. Аляксандр Лукашэнка ў пачатку чэрвеня заявіў, што следства па справе грамадзянкі РФ будзе праходзіць у нашай краіне.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.