Сацыёлага Таццяну Вадалажскую перавялі на Акрэсціна
Сацыёлага Таццяну Вадалажскую перавялі ў ІЧУ на Акрэсціна. Каардынатарка Лятучага ўніверсітэта затрыманая на 10 сутак паводле крымінальнай справы, паведамляе @by_culture.
Таццяна — сябра Каардынацыйнай рады і аднадумца метадолага Уладзіміра Мацкевіча, у якога сёння адбыўся ператрус.
Акрамя Мацкевіча і Вадалажскай сёння быў затрыманы адзін іх паплечнік — Улад Вялічка. Як распавядала Еўрарадыё, у пастанове на ператрус у яго былі пазначаныя ажно 17 артыкулаў Крымінальнага кодэкса.
