Вы тут

Рыхтуемся да чарговай хвалі пандэміі: у свеце выяўляюць новыя варыянты COVID-19

COVID-19 нікуды не сышоў / калаж Еўрарадыё

Каранавірус у апошнія месяцы адышоў на другі план: захваральнасць стала ніжэйшая, паміраюць ад яго радзей, дый ёсць больш важныя навіны — напрыклад, вайна ва Украіне. Аднак COVID-19 ужо нагадвае пра сябе: сур'ёзна пачалі гаварыць пра новую хвалю захваральнасці, якая чакаецца да восені. Віной таму — некалькі новых варыянтаў віруса.
 

Не штамы, а варыянты

Некаторыя памылкова называюць новыя варыянты каранавіруса "штамамі", аднак гэта не так. Гаворка ідзе пра ВА.5 і ВА.2.75 — яны маюць шмат адрозненняў ад "омікрона", але недастаткова, таму лічацца яго варыянтамі.

Варыянт каранавіруса ВА.5 ужо прыводзіць да росту захваральнасці ў Еўропе. Напрыклад, у Германіі фіксуецца больш за 700 выпадкаў на 100 тысяч насельніцтва. Кіраўнік Мінздароўя краіны Карл Лаўтэрбах заклікаў рыхтавацца да новай цяжкай "хвалі", якая можа пачацца ўжо восенню.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.