Віцебскі аблвыканкам ўсё ж купляе аўто за бюджэтныя грошы
Кажуць, што не для службовых мэтаў. Але на аўто будуць вазіць абласных чыноўнікаў.
На сайце дзяржзакупак — чарговы аўкцыён на закупку аўтамабіляў. Віцебскі аблвыканкам купляе аўтобус — Volkswagen Caravelle Comfortline ці аналаг.
На пытанне, ці ведаюць чыноўнікі аб прэзідэнцкім ліміце, у Віцебскім аблвыканкаме кажуць, што іх пакупка нібы і не трапляе пад азначэнне службовага аўтамабіля. Пры гэтым набытак фінансуецца з абласнога бюджэту.
“Вы ведаеце пра прэзідэнцкі ўказ? Пра які клас аўтамабіляў — пра службовыя! Дык гэта ж не службовы! Вы разумееце розніцу паміж службовым аўтамабілем і мікрааўтобусам?”, — цярпліва тлумачыць чыноўнік.
У Віцебскім аблвыканкаме кажуць, што мікрааўтобус будзе перавозіць іх чыноўнікаў, але як ні прыдзірайся — не для службовых мэтаў.
Фота — www.mascus.ru
