У Мінску праходзіць прэзентацыя газеты “КГ”
Першы нумар выдання пра сталіцу выйшаў гэтымі днямі. Гэта будзе бясплатнае выданне для тых, хто цікавіцца жыццём Мінска.
Прэзентацыя адбываецца ў фотастудыі “Знята”, у ёй бяруць удзел папулярныя гурты і дыджэі. Як распавёў у жывым эфіры Еўрарадыё адзін са стваральнікаў праекту Ігар Юхневіч, гэта па сутнасці гарадская газета. Яе аўтары простымі словамі стараюцца казаць пра простыя рэчы.
111201 JuhnevichS.mp3
“Аўдыторыю мы пакуль не намацалі. Хутчэй за ўсё гэта будзе выданне для “сяброў сяброў”, — сказаў Ігар.
Бясплатна атрымаць выданне КГ можна ў бары “Лондан”, Галерэі Ў, кавярні “Стары Менск”.
