Супраць Сільвіа Берлусконі пачалі чацвёртую крымінальную справу
Палітыка вінавацяць у тым, што з яго ініцыятывы ў прэсу трапілі тэлефонныя перамовы яго палітычных апанентаў.
Сам Берлусконі сцвярджае, што нічога не ведаў пра змест тэлефоннай гутаркі і не аддаваў распараджэнні пра яе публікацыю, перадае ВВС.
Да таго, як з'явілася новая справа, былы італьянскі прэм'ер ужо быў фігурантам трох заведзеных супраць яго справаў. Яго вінавацяць у карупцыі, ухіленні ад выплаты падаткаў і сэксуальных адносінах з непаўналетняй прастытуткай.
Адвакаты Берлусконі заяўляюць, што "працэс скончыцца нічым, як і ўсе астатнія працэсы". Працэс па справе пачнецца 15 сакавіка.
