Студэнтаў Лінгвістычнага адлічылі за салідарнасць з палітвязнямі
6 лютага з Мінскага дзяржаўнага лінгвістычнага ўніверсітэта адлічылі трох актывістаў “Еўрапейскай Беларусі”.
Гэта Аляксандр Салдаценка, Аляксандр Вялітчанка і Мікіта Каваленка. Як паведамляе праваабарончы сайт "Вясна", раней хлопцы былі асуджаныя да адміністратыўных арыштаў за ўдзел у акцыях салідарнасці з палітвязнямі ў Беларусі.
Так, за акцыі ў кастрычніку хлопцы атрымалі ад 7 да 15 сутак. Акрамя таго, Вялітчанку штрафавалі за ўдзел у акцыі 2 жніўня 2011 года каля Горацкай калоніі, дзе тады адбываў пакаранне Зміцер Дашкевіч.
