Саміт "Усходняга партнёрства" прапануюць зладзіць без уладаў Беларусі
З такой прапановай выступіў кіраўнік амерыканскай няўрадавай арганізацыі Freedom House Дэвід Крэмер.
Па яго словах, якія цытуе interfax.by, прадстаўнікі беларускіх уладаў не павінны быць на сустрэчы "Усходняга партнёрства" і ЕС, калі захаваецца цяперашняя сітуацыя. Крэмер кажа, што больш ахвотна пабачыў бы на саміце актывістаў грамадзянскай супольнасці і праваабаронцаў.
Па словах амерыканскага праваабаронцы, не размаўляць з урадам — нерэальна. Але не варта было б даваць беларускім чыноўнікам такую платформу, як "Усходняе партнёрства", кажа ён.
Саміт ЕС і "Усходняга партнёрства" павінен адбыцца сёлета ў лістападзе ў Вільні. Літоўскія прадстаўнікі спадзяюцца, што на яго прыедуць і кіраўнікі буйных краін ЕС.
Фота — svaboda.org
