Румынскі прэзідэнт вяртаецца, праз месяц пасля імпічменту
Парламент Румыніі пагадзіўся з рашэннем Канстытуцыйнага суда краіны, які пацвердзіў законнасць знаходжання прэзідэнта ва ўладзе.
Нагадаем, у пачатку ліпеня сёлета Траян Бэсэску быў адхілены ад пасады прэзідэнта парламентарыямі. “За” выказаліся 258 дэпутатаў з 432. Яны абвінавацілі Бэсэску ў тым, што ён парушыў закон, узяўшы на сябе функцыі, якія звычайна належаць прэм’ер-міністру (у 2010 годзе ён ужыў захады жорсткай эканоміі, а таксама абмежаванні незалежнасці суда). Напрыканцы ліпеня прайшоў рэферэндум. І вось на мінулым тыдні Канстытуцыйны суд Румыніі прызнаў, што рэферэндум аб імпічменце Бэсэку не адбыўся, паколькі працэнт яўкі склаў толькі каля 46%, паведамляе gazeta.ru.
Фота — eurasianews.md
