У Румыніі праходзіць рэферэндум аб імпічменце прэзідэнту
Раней парламент краіны адхіліў Траяна Бэсеску ад выканання яго абавязкаў, а цяпер вырашаецца пытанне аб яго канчатковым зняцці з пасады.
Такі крок зроблены на патрабаванне Еўрапейскай камісіі, паведамляе ВВС. Абавязкі прэзідэнта цяпер часовы выконвае Крын Антанэску. Каб імпічмент быў прыняты, за яго павінны прагаласаваць большасць удзельнікаў рэферэндуму, пры ўмове, што ў ім прынялі ўдзел 50% грамадзян з правам голасу, плюс адзін голас.
Румынскія парламентарыі 6 ліпеня прагаласавалі за імпічмент Траяну Бэсеску. “За” выказаліся 258 парламентарыяў з 432 дэпутатаў парламента. Дэпутаты абвінавацілі прэзідэнта ў тым, што ён парушыў закон, узяўшы на сябе функцыі, якія звычайна належаць прэм’ер-міністру, бо ўвёў у 2010 годзе захады жорсткай эканоміі, а таксама ў абмежаванні незалежнасці суда.
