Royal Bank of Scotland разрывае адносіны з Беларуссю
Адзін з найбуйнейшых банкаў Вялікабрытаніі вырашыў спыніць мабілізацыю капіталу, якую ён вёў ад імя ўрада Беларусі.
Гэта было зроблена пасля вострай крытыкі з боку праваабаронцаў, паведамляе ВВС. Royal Bank of Scotland з'яўляўся часткай сіндыката, праз які беларускі ўрад ажыццяўляў пазыкі. Актывісты праваабарончых арганізацый Free Belarus Now і Index on Censorhip вінавацілі банк у падтрымцы аўтарытарнага рэжыму Аляксандра Лукашэнкі. RBS пацвердзіў, што пры прыняцці рашэння была прынятая да ўвагі палітычная сітуацыя ў Беларусі.