Правал Дар'і Домрачавай: 43-е месца ў спрынце
9 лютага Дар’я надзвычай няўдала выступіла ў гонцы на дыстанцыі 7,5 км, якая прайшла ў рамках чэмпіянату свету па біятлоне ў чэшскім Новым Месце.
Зорка беларускага біятлона двух агнявых рубяжах дапусціла 5 промахаў.
У беларускі Надзеі Скардзіна між тым 25-ы вынік, у Анастасіі Дубарэзавай — 28-мы, а ў Людмілы Калінчык — 48-е месца.
Першае месца ў гонцы заняла ўкраінка Алена Підгрушна, на другім месцы — нарвежка Тура Бергер, бронзу атрымала яшчэ адна ўкраінка — Віта Семярэнка.
Напярэдадні чэмпіянату свету па біятлоне Дар’я Домрачава скардзілася на кепскае самаадчуванне — перанесла цяжкае харчовае атручэнне.
