На Піншчыне вартаўнік задушыў ваўка
Здарэнне адбылося ў вёсцы Парахонск.
Як паведамляе тэлеканал “Варяг”, воўк пакусаў мясцовага палявода, а праз некаторы час напаў на калгаснага вартаўніка, які ішоў на аўтобусны прыпынак. Апошні выпадак каштаваў жыцця ваўку — мужчына задушыў драпежніка.
Пацярпелыя вяскоўцы знаходзяцца ў пінскай лякарні, а ваўчыную галаву адправілі на экспертызу на шаленства.
