На Брэстчыне пачалі адключаць ацяпленне
Брэсцкі аблвыканкам прыняў рашэнне пра заканчэнне ацяпляльнага сезону.
Як паведамляе БЕЛТА, прычынай для рашэння стала ўстойлівая плюсавая тэмпература паветра, а таксама прагнозы сіноптыкаў. Паведамляецца, што апошнімі днямі ў рэгіёне сярэднясутачная тэмпература паветра перавышае неабходныя для прыпынення падачы цяпла +8 градусаў.
Па ўсёй вобласці пачалі ўжо адключаць ацяпленне ў адміністрацыйных будынках і на вытворчасці. У Пінску 15 красавіка вырашана адключыць жылыя дамы. Улады Баранавічаў вырашылі пачакаць: там тэмпература паветра вагаецца каля 4 градусаў цяпла.
У апошнюю чаргу адключэнне сістэм ацяплення адбудзецца ва ўстановах адукацыі, аховы здароўя і культуры.
Фота — cit.ua
