Міліцыянты застрэлілі пітбуля, які спрабаваў загрызці гаспадароў
Здарэнне адбылося ва ўкраінскім горадзе Запарожжа ўвечары 31 сакавіка.
Як інфармуе УНІАН, у міліцыю патэлефанавала жанчына, якая паведаміла пра напад на яе і мужа іх сабакі байцоўскай пароды. Калі праваахоўнікі прыехалі, пітбуль знаходзіўся ў пад'ездзе дома і кідаўся на лекараў, якія спрабавалі аказаць дапамогу пацярпелым (ад страты крыві жанчына страціла прытомнасць).
У гэтай сітуацыі міліцыянт расстраляў сабаку з табельнай зброі. Жанчына шпіталізаваная са шматлікімі ранамі рук і нагі, стан яе ацэньваецца як цяжкі.