Кіраўнік Беларусі: у нас жорсткая палітыка, бо нам выжываць трэба
Аляксандр Лукашэнка адмаўляе, што ён дыктатар.
Лукашэнка кажа, што праблемы ў краіны рэгулярна з'яўляюцца. Паводле яго слоў, "каб выжыць, нам трэба аб'яднацца".
Кіраўнік Беларусі ў чарговы раз сказаў, што Польшча, нібыта, спадзяецца заняць Заходнюю Беларусь. Як і Літва, якая "нас вучыць жыць". Хаця і жыве за кошт беларускага транзіту. "Калі мы адтуль сыйдзем, усё рухне", — заявіў Лукашэнка. І з крыўдай прыгадаў шведскі самалёт з мішкамі, які Літва "нам падкінула".
