Аршанскі стадыён за год патаннеў у тры тысячы разоў
Аршанскі стадыён прадаюць за адну базавую / orsha.eu
За год цана на аршанскі стадыён зменшылася амаль у тры тысячы разоў, заўважыў паблік "Віцебск, я гуляю".
Увосень 2023-га Аршанскі льнокамбінат выставіў на продаж стадыён ручных гульняў. Пачатковая цана на аўкцыёне была вызначаная ў 119 707 рублёў.
Аднак пакупнікоў на гэты стадыён не знайшлося. Таму льнокамбінат быў вымушаны знізіць продажную цану.
Цяпер стартавая цана на стадыён складае адну базавую велічыню — 40 рублёў. Гэта ў 2993 разы менш, чым летась.
