У Мінску прадаюць грамадскую прыбіральню, з якой хацелі зрабіць рыбны рэстаран
![Прыбіральня, з якой так і не зрабілі рыбны рэстаран](/sites/default/files/styles/gallery_main/public/2024-09/prybiralnia-1209.jpg.webp?itok=sXsCW2G7)
Прыбіральня, з якой так і не зрабілі рыбны рэстаран / beltorgi.by
На таргі зноў выставілі неэксплуатаваную грамадскую прыбіральню ў мінскім парку 40-годдзя Кастрычніка, піша інфармагенцтва "Мінск-Навіны".
Стартавая цана аднапавярховага будынка 1986 года — 130 800 рублёў.
Дарэчы, у 2009-м з гэтай прыбіральні планавалі зрабіць рыбны рэстаран. Мінскія ўлады выдалі дазвол на рэканструкцыю. Праўда, пазначылі, што ў рэстаране павінна захавацца грамадская прыбіральня. У выніку рэстаран так і не з'явіўся, а будынак сёлета зноў выставілі на таргі.
Пераможцу таргоў давядзецца аплаціць яшчэ і аўкцыённы збор — 4,9 % ад сумы продажу, а таксама выдаткі на арганізацыю і правядзенне аўкцыёну (180 рублёў).
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.