Літоўскі хакеіст з усёй сілы кінуў клюшку ў арбітра і патрапіў
Здарэнне адбылося на юніёрскім чэмпіянаце свету па хакею сярод каманд другога дывізіёна, які праходзіць у Таліне.
Літоўская зборная крыўдна прайграла камандзе Вялікабрытаніі — 2:3. Як толькі прагучаў фінальны свісток, нападаючы літоўцаў Даніэлюс Наманавас з усёй сілы кінуў сваю клюшку ў аднаго з памочнікаў галоўнага арбітра матча. І патрапіў. Як адзначае сайт delfi.lv, у выніковым пратаколе гульні гэты эпізод не быў адлюстраваны.