На паўфінале Кубка Беларусі фанаты нецэнзурна абразілі суддзю (відэа)
Здарэнне адбылося 3 сакавіка падчас матча паміж футбольнымі клубамі "Мінск" і "Тарпеда-БелАЗ".
Нагадаем, што гульня скончылася перамогай "Мінска" і яго выхадам у фінал Кубка Беларусі — 1:0. Гэты вынік не задаволіў жодзінскіх фанатаў. Пасля заканчэння гульні заўзятары скандавалі абразлівыя словы на адрас галоўнага арбітра сустрэчы Сяргея Цынкевіча.
У першым тайме Цынкевіч адмяніў гол Арцёма Чалядзінскага, адзначае goals.by. Галоўны трэнер "Тарпеда-БелАЗ" Ігар Крывушэнка заявіў, што гол быў чыстым.
