Кіргізскага чыноўніка абвінавацілі ў тайнай сустрэчы з Бакіевамі ў Мінску
Першага віцэ-прэм'ера ўраду Кіргізіі Амурбека Бабанава падазраюць у тайным кантакце з Курманбекам Бакіевым і ягонымі сынамі Максімам і Маратам.
Такая сустрэча магла адбыцца падчас нядаўняга афіцыйнага візіту ў Маскву, адкуль ён нібыта патаемна выязджаў у Мінск.
Як паведамляе кіргізская служба "Радыё Свабода", Бабанаў мае долю ў цэментным заводзе ў Пензе, саўладальнікам якога з'яўляецца таксама сын звергнутага прэзідэнта Максім Бакіеў.
Па чутках, Бабанаў сустракаўся ў Мінску з братам Бакіевымі для абмеркавання агульных дзелавых інтарэсаў.
Дэпутат парламента ад фракцыі Ата-Мекен Эркіна Алымбекаў запатрабаваў ад генеральнай пракуратуры расследаваць сапраўднасць інфармацыі наконт патаемнага візіту першага віцэ-прэм'ера ў Мінск.
Справу пра супольны бізнес віцэ-прэм'ера і высокапастаўленых прадстаўнікоў звергнутага рэжыму, а таксама пра іншыя абвінавачванні ў карупцыі вывучае парламенцкая камісія.
