Двое хуліганаў з "пнеўматыкай" напалі на інтэрнат
Здарэнне адбылося ўвечары 11 красавіка ў Ляхавіцкім раёне.
Як паведамляе прэс-служба Брэсцкай абласной міліцыі, інцыдэнт адбыўся ў інтэрнаце будаўнічай арганізацыі ў вёсцы Падлессе. Двое беспрацоўных 24 і 25 год літаральна напалі на 7 будаўнікоў, жыхароў Нясвіжу.
Узброеныя пмеўматычнымі і дзіцячымі пісталетамі, хуліганы пагражалі ім
фізічнай расправай.
Падчас канфлікту адзін з працоўных атрымаў цяжкія цялесныя пашкоджанні.
Самага буйнага нападніка затрымала міліцыя, другога адпусцілі пад абавязальніцтва аб яўцы. За злоснае хуліганства была распачата крымінальная справа. Маладым людзям пагражае да 6 год пазбаўлення волі.
"Пісталеты" праваахоўнікі канфіскавалі.