Будаўніцтва "Бульбаш-хола" прыпынена да траўня
Пра гэта прадстаўнікі грамадскай ініцыятывы "За ўратаванне Курапатаў" даведаліся ад чыноўнікаў Мінаблвыканкаму, Мінкульту і Мінархітэктуры.
Як распавяла Ганна Шапуцька ў каментары Радыё "Свабода", чыноўнікі не сказалі, калі будуць зносіць будынкі, якія парушылі культурна-ахоўную зону Курапатаў.
Па яе словах, Мінкульт павінен зацвердзіць ахоўныя зоны, потым Мінаблвыканкам зацвердзіць горадабудаўнічы праект. Пасля адбудуцца грамадскія абмеркаванні, а толькі пасля ўсяго гэтага будзе гатовы канчатковы праект.
Нагадаем, што пад знос павінны пайсці чатыры дамкі з так званага "Бульбаш-хола".