Беларусь — Францыя — 1:1

Беларуская зборная, якая гуляла без шэрагу футбалістаў "асновы", вельмі годна правяла матч супраць лідэраў групы. Прэсінгуючы французаў па ўсім полі, беларусы зменшылі да мінімуму пагрозы варотам, якія абараняў Сяргей Верамко. У сваю чаргу ў першым тайме нашым футбалістам удавалася некалькі разоў небяспечна атакаваць. Між іншым, запомніўся моцны ўдар Ігара Шытава пад перакладзіну.

На 20-й хвіліне пасля падачы штрафнога Цімафеем Калачовым Абідаль зрэзаў мяч у свае вароты, а на 22-й Малуда лік зраўняў. Нічыя — 1:1.

Каманды выступалі ў наступных складах:

Беларусь: Верамко, Мартыновіч, Амельянчук, Бардачоў, Шытаў, Вярхоўцаў, Калачоў (В. Глеб, 90), Цігараў, Пуціла (Кісляк, 86), Трубіла, Варанкоў.

Францыя: Лорыс, Санья, Рамі, Сако, Абідаль, Насры, Малуда, Дзіара, Дзіабі (Рэмі, 73), Рыберы, Бензема.

У аўторак зборная Беларусі згуляе на сваім полі з Люксембургам.