Багатыя заплацяць за электрычнасць даражэй
Пра гэта заявіў 23 лютага міністр энергетыкі Аляксандр Азярэц.
Па яго словах, якія перадае БЕЛТА, у другой палове года плануецца ўвесці ліміты на спажыванне электраэнэргіі. Пры гэтым насельніцтва будзе плаціць дыферэнцыявана.
На думку міністра, 70-75% насельніцтва не пацерпіць і ўвойдзе ў гэтыя ліміты. А плаціць больш будуць заможныя грамадзяне, якія спажываюць не па 150-250 кілават-гадзін у месяц, а больш за 1000 кілават-гадзін.
