Аляксандр Рар: Украіна да 2020 года будзе сябрам Еўрасаюза
Вядомы нямецкі палітолаг мяркуе, што ўступленне нашай паўднёвай суседкі ў ЕС зусім магчымае ўжо праз 7 гадоў.
"Пытанне толькі ў тым, ці хоча Украіна ісці ў бок Еўропы ці не", — цытуе словы Аляксандра Рара УНІАН.
У той жа час, разглядаецца магчымасць стварэння агульнай прасторы ўнутры ЕС для такіх краін, як Украіна, Расія, Беларусь, — кажа Рар. — Пакуль сяброўства Украіны ў Еўрасаюзе яшчэ не разглядаецца, тым не менш магчымасці для прыспешвання гэтага працэсу існуюць. Для гэтага ўкраінскі ўрад павінен хутчэй правесці шэраг важных рэформаў.
Паводле Аляксандра Рара, на нядаўнім саміце Украіна-ЕС прэзідэнт Віктар Януковіч (на здымку) заявіў, што пытанне еўрапейскай інтэграцыі Украіны ўжо вырашана і з'яўляецца стратэгічным.
ЕС дасць Украіне 610 мільёнаў еўра, але з адной умовай
Фота — hvylya.org