Алесь Арастовіч суда не баіцца
Адпушчаны ўчора пад падпіску аб нявыездзе з СІЗА КДБ Алесь Арастовіч заяўляе, што абвінавачанне, якое яму інкрымінуюць, у судзе не пацвердзіцца.
Арастовіча, які на мінулых выбарах быў даверанай асобай кандыдата Мікалая Статкевіча, папярэдзілі, што суд над ім будзе абавязкова.
"Як хутка? Усё будзе залежаць ад розных рэчаў. У тым ліку, хто дасць паказанні на мяне. Мяркую, я ні ў чым не вінаваты. Па тым артыкуле, які мне інкрымінуюць, абвінавачанне не пацвердзіцца. Я ні ў чым не браў удзелу" , — заявіў Алесь Радыё "Свабода".
