Актывістак FEMEN могуць выслаць з Расіі
Адпаведныя матэрыялы рыхтуе Федэральная міграцыйная служба Расіі.
Нагадаем, што ўкраінак затрымалі 4 сакавіка пасля акцыі на выбарчым участку ў Маскве. Інцыдэнт адбыўся на выбарчым участку ў будынку Расійскай акадэміі навук, дзе галасаваў прэм'ер-міністр Расіі Уладзімір Пуцін. Тры актывісткі ўкраінскага руху FEMEN агаліліся па пояс і сталі скандаваць антыўрадавыя лозунгі.
Як інфармуе РІА "Новости", паліцыянты склалі на дзяўчат пратаколы за дробнае хуліганства. Суд прызначыў ім арышт ад 5 да 12 сутак.
