Рэчыцкія ўлады сарвалі мітынг прадпрымальнікаў

У Рэчыцы не адбыўся мітынг прадпрымальнікаў супраць прэзідэнцкага ўказу №222. Як паведамляе сайт odsgomel.org, мітынг планаваўся каля будынку райвыканкама. Прадпрымальнікі з рынкаў "Славянскі" і "Цэнтральны" планавалі пратэставаць супраць увядзення сертыфікатаў на тавары лёгкай прамысловасці.

Мяркуючы па ўсім, прадпрымальнікі проста спалохаліся міліцыянтаў. Паведамляецца, што на пляцоўцы каля райвыканкама дзяжурылі супрацоўнікі ДАІ і людзі ў цывільным. Побач, па сведчаннях відавочцаў, стаяў поўны аўтобус міліцыянтаў.

Лідар мясцовых прадпрымальнікаў Алег Шабетнік не выключае, што заяўнікаў мітынгу маглі запалохаць спецслужбы.

Фота — svaboda.org

Апошнія навіны

Галоўнае

Выбар рэдакцыі