У Мінску праходзіць развітанне з Дзмітрыем Смольскім
![У Мінску праходзіць развітанне з Дзмітрыем Смольскім](/sites/default/files/styles/gallery_main/public/2023-08/bb76f84b38611c5230c8234a108f1a61.jpg.webp?itok=j-d7c4B8)
Развітанне з Дзмітрыем Смольскім праходзіць 2 кастрычніка ў Белдзяржфілармоніі, яно пачалося а 10-й гадзіне і працягнецца да 13-й, інфармуе тэлеканал “Беларусь 1”. Народны артыст Беларусі, вядомы кампазітар памёр раніцай 29 верасня на 81-м годзе жыцця.
Смольскі — аўтар дзясяткаў вядомых твораў. За сваю першую оперу “Сівая легенда” ён атрымаў дзяржаўную прэмію. Музыкай ён захапляўся з дзяцінства, працаваў у розных жанрах: пісаў вакальныя сачыненні, араторыі, музыку да кінафільмаў, оперы. Галоўным для кампазітара стаў жанр сімфоній. Дзмітрый Смольскі выкладаў у Акадэміі музыкі.