Разліковая сістэма АРІП будзе прымаць плацяжы з-за мяжы
Лога разліковай сістэмы
Разліковая сістэма АРІП будзе прымаць плацяжы з-за мяжы. Пра гэта гаворыцца ў дакладзе начальніка галоўнага ўпраўлення манетарнай палітыкі і эканамічнага аналізу Нацбанка Беларусі Дзмітрыя Мурына.
"Павелічэнне долі плацяжоў, што прымаюцца ў АРІП, у тым ліку па аплаце нерэзідэнтамі жыллёва-камунальных паслуг, будзе звязана з рэалізацыяй сэрвісаў, накіраваных на забеспячэнне прамога ўзаемадзеяння плацежнай сістэмы ў АРІП з плацельшчыкам", – паведаміў прадстаўнік Нацбанка.
Гаворка ідзе аб распрацоўцы вэб-сэрвісу па прыёме анлайн-плацяжоў інтэрнэт-карыстальнікаў па-за залежнасцю ад наяўнай у іх аплатнай прылады, які забяспечыць нерэзідэнтам доступ да ажыццяўлення плацяжоў.
Што гэта значыць? Беларусы, якія з'ехалі з Беларусі, змогуць аплачваць штрафы, камунальныя паслугі і крэдыты самастойна, а не прасіць аб гэтым сяброў і сваякоў.
