Распрацоўшчыкі кампутарных гульняў сабраліся ў Мінску
7 снежня ў ліцэі БДУ ўпершыню праходзіць канферэнцыя GDS Conference.
Як паведамілі БелаПАН у прэс-службе Белдзяржуніверсітэта, на ўдзел у форуме падалі каля 600 заявак ад кіраўнікоў вядучых кампаній кампутарнай гульнёвай індустрыі і распрацоўшчыкаў-пачаткоўцаў.
У межах канферэнцыі запланаваныя выступы экспертаў і праграмістаў у галіне сеткавых гульняў з Беларусі, Расіі, Францыі і Ірану. Апроч таго, удзельнікі змогуць наведаць майстар-класы, прысвечаныя складанню перспектыўных бізнес-праектаў і планаў для гульнёвай індустрыі.
Арганізатарам канферэнцыі выступіў цэнтр развіцця высокатэхналагічных праектаў IT House БДУ пры падтрымцы кампаніі “Гейм Стрым”.
