Расійскіх кёрлінгістаў пазбавілі бронзавага алімпійскага медаля
![Расійскіх кёрлінгістаў пазбавілі бронзавага алімпійскага медаля](/sites/default/files/styles/gallery_main/public/2023-08/2018-02-14t000000z_766036860_devee2e0t1ivk_rtrmadp_3_olympics-2018-curl.jpg.webp?itok=mukVjqvV)
Расійскіх кёрлінгістаў пазбавілі бронзавага алімпійскага медаля. Спартыўны арбітражны суд ануляваў вынікі Аляксандра Крушальніцкага, у пробах якога выявілі сляды мельдонія, прызнаў яго вінаватым у парушэнні антыдопінгавых правіл. Крушальніцкі заваяваў “бронзу” ў дабл-міксце, выступаў разам са сваёй жонкай Анастасіяй Брызгалавай. Вядома, што расійскі спартсмен прымаў мельдоній да 2016 года, калі прэпарат трапіў у лік забароненых. У студзені сёлета проба Аляксандра Крушальніцкага была “чыстая”, таму прадстаўнікі расійскай дэлегацыі не выключаюць правакацыі.
Алімпійскі медаль Крушальніцкага і Брызгалавай быў першым у гісторыі расійскага кёрлінга.