Расіяне ўвечары 5 лютага абстралялі Сумскую вобласць Украіны
![Наступствы ракетнага ўдару па горадзе Варажба](/sites/default/files/styles/gallery_main/public/2024-02/sumy-0502.jpg.webp?itok=XBTGsHDO)
Наступствы ракетнага ўдару па горадзе Варажба / Сумская абласная ваенная адміністрацыя
Увечары 5 лютага расіяне абстралялі горад Варажба ў Сумскай вобласці Украіны, перадае hromadske.ua.
Абстрэл вёўся з дапамогай рэактыўны сістэм залпавага агню. У абласной ваеннай адміністрацыі зафіксавалі восем выбухаў.
У выніку абстрэлу загінуў 40-гадовы мужчына. Яшчэ два чалавекі атрымалі траўмы, у тым ліку маці загінулага.
Папярэдне паведамляецца, што пашкоджаныя пяць жылых дамоў, гаспадарчыя збудаванні, электрасеткі ды інтэрнэт-сувязь.