Расія просіць Беларусь не ўвозіць афрыканскія таматы
Рассельгаснагляд звярнуўся да Галоўнай дзяржаўнай Інспекцыі па насенняводстве, каранціне і ахове раслін Рэспублікі Беларусь з просьбай спыніць пастаўкі таматаў з краін Афрыкі і Азіі ў суправаджэнні беларускіх фітасанітарных сертыфікатаў. Абмежаванні просяць увесці з 16 кастрычніка 2017 года.
Нагодай для гэтага звароты сталі звесткі, што ў Беларусь павялічыўся імпарт таматаў з краін, у дачыненні да якіх у Расіі дзейнічае "прадуктовае эмбарга". Таксама Рассельгаснагляд адзначае, што пастаўкі беларускіх памідораў у Расію значна выраслі, а дакладна вызначыць месца іх паходжання немагчыма. Адначасова павялічыліся пастаўкі таматаў з краін Азіі і Афрыкі (Гвінея, Емен, Танзанія, Ліван, Судан, Сірыя, Джыбуці, Бангладэш, Замбія).
Увоз гэтай прадукцыі на тэрыторыю Расіі, як нагадвае Рассельгаснагляд, дапускаецца толькі праз пункты пропуску на расійскім участку Еўразійскага эканамічнай саюза. Пры гэтым прадукцыя мусіць суправаджацца арыгіналамі фітасанітарных сертыфікатаў Гвінеі, Емена, Танзаніі, Лівана, Судана, Сірыі, Джыбуці, Бангладэш, Замбіі.
