Расце колькасць загінулых у выніку трапляння ракеты ў пяціпавярховік у Мікалаеве
![Ратавальнікі працуюць на месцы трапляння расійскай ракеты ў жылы дом у Мікалаеве / @senkevichonline](/sites/default/files/styles/gallery_main/public/2023-08/nikolaev_11_11.jpg.webp?itok=uiYG5xkQ)
Ратавальнікі працуюць на месцы трапляння расійскай ракеты ў жылы дом у Мікалаеве / @senkevichonline
Да шасці вырасла колькасць ахвяр начнога абстрэлу Мікалаева. Пра гэта паведаміў мэр Мікалаева Аляксандр Сянкевіч. Пошукавая аперацыя працягваецца.
Нікалаеў абстралялі "папярэдне з зенітна-рэактыўнай сістэмы С-300", пісаў ноччу кіраўнік абласной адміністрацыі Віталь Кім. Адна з ракет трапіла ў пяціпавярховы жылы дом. У выніку быў цалкам разбураны адзін з пад'ездаў — з першага па пяты паверх. Пацярпелі і дамы побач.
На думку прэзідэнта Украіны Уладзіміра Зяленскага, начны абстрэл Мікалаева і ўдар па пяціпавярховіку — гэта "цынічны адказ дзяржавы-тэрарыста на нашы поспехі на фронце".
"Расія не пакідае сваёй гнюснай тактыкі. А мы не пакідаем нашай барацьбы", — дадаў Зяленскі.
![Растет число погибших в результате попадания ракеты в пятиэтажку в Николаеве](/sites/default/files/styles/default_image_paragraph/public/paragraphs/image/nikolaev_11_11_2.jpg.webp?itok=iw5BgkJI)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.