Пяскоў: Лукашэнка не ўзгадняў з Крамлём заявы пра спыненне транзіту газу
Крэмль не збіраецца дазваляць Аляксандру Лукашэнку спыняць транзіт газу праз Беларусь. "Не падлягае сумневам тое, што Расія будзе выконваць свае абавязанні па пастаўках газу ў Еўропу", — заявіў 12 лістапада журналістам Дзмітрый Пяскоў, прэс-сакратар Уладзіміра Пуціна.
Па яго словах, якія перадае ТАСС, Лукашэнка не абмяркоўваў і не ўзгадняў з Крамлём сваю заяву наконт прыпынення транзіту газу.
Заява Лукашэнкі прагучала як адказ на планы Еўрасаюза пашырыць санкцыі супраць беларускага рэжыму.
