Пуцін запэўнівае, што сапраўды злавіў шчупака вагой 21 кг
Да тэмы рыбалкі расійскі прэзідэнт вярнуўся на сустрэчы з удзельнікамі моладзевага форума "Селігер-2013" у Цвярской вобласці.
Уладзімір Пуцін запэўніў прысутных, што асабіста злавіў шчупака вагой 21 кілаграм на рыбалцы ў Туве. "Ніхто не верыць, але гэта праўда", — цытуе словы Пуціна РІА "Новости".
Нагадаем, 30 ліпеня на нарадзе ў Мінску кіраўнік Беларусі Аляксандр Лукашэнка распавёў, што на рыбалцы на Прыпяці злавіў аж трох самоў. "Палец сунеш, за палец рыба хапае! Я асабіста... 57 кілаграмаў сома выцягнуў: 57, 24 і 7 кілаграмаў. Тры сома злавіў!" — сказаў Лукашэнка.
Фота — ria.ru
Пачатак аповеда Лукашэнкі ў відэасюжэце — 7.40.
