Праваслаўныя вернікі рыхтуюцца да Вялікадня
Сёння ў іх Вялікая субота, дзень, які папярэднічае святу Уваскрэсення Хрыстовага.
У Вялікую суботу згадваюць пра знаходжанне Хрыста ў труне і ў яго прыходзе ў пекла. У набажэнствах, якія ідуць у храмах у гэты дзень, прасочваюцца рысы як жалобнай, так і святочнай нядзельнай літургіі.
Цягам дня вернікі ідуць у царкву, каб асвяціць велікодныя стравы — фарбаваныя яйкі і спецыяльна спечаныя булкі. Набажэнства ў храмах пачынаецца ўвечары і ўначы яно пераходзіць у святочную велікодную літургію, калі вернікі вітаюць уваскрэслага Хрыста.
