Прарэктар беларускай ВНУ памёр пасля аўтааварыі ў Расіі
6 траўня ў Бранскай вобласці ў лякарні памёр прарэктар Гомельскага дзяржаўнага ўніверсітэта імя Францыска Скарыны Сяргей Ханеня.
Яму было 50 гадоў. Дата і месца паніхіды і пахавання пакуль невядомыя.
Як інфармуе БелаПАН, аварыя адбылася ў Трубчэўску Бранскай вобласці 26 красавіка. Аўтамабіль "Аўдзі-А6", у якім ехаў пасажырам Сяргей Ханеня, сутыкнуўся з аўтамабілем "КамАЗ". Прарэктар атрымаў траўмы і быў дастаўлены ў бальніцу, дзе праз 11 дзён памёр.
Другі пасажыр, таксама па прозвішчы Ханеня, атрымаў траўмы і знаходзіцца на амбулаторным лячэнні. Яму 25 гадоў.
Кіроўцы "Аўдзі-А6" і "КамАЗа" не пацярпелі.
Фота — gsu.by