Прапагандыстку СТБ не пусцілі ў Венгрыю, а пасля дэпартавалі

Прапагандыстку СТВ Надзею Сас, якая планавала ў краіне запіс інтэрв'ю пра Джорджа Сораса, не пусцілі ў Венгрыю. Пра гэта яна распавяла ў тэлевізійным эфіры. Яна перакананы, што гэта было зроблена "не без падказкі заакіянскіх куратараў", каб сарваць яе праграму. У аэрапорце Будапешта яе доўга правяралі, зладзілі, па яе словах, ператрус і ў выніку прынялі рашэнне аб дэпартацыі.

Сас скардзіцца, што ноч перад дэпартацыяй яна "правяла ў суправаджэнні венгерскай паліцыі ў аэрапорце — цэнтры часовага ўтрымання". У эфіры яна прадэманстравала фатаграфіі гэтага цэнтра. На яе думку, гэтыя дзеянні паказваюць, што "Захад баіцца беларускіх журналістаў".

Надзея Сас з'явілася ў Беларусі пасля пачатку вайны ва Украіне. Да гэтага жыла ў Кіеве. У 2017 годзе яе звольнілі з тэлеканала NewsOne "за парушэнне прафесійных стандартаў і асабістае меркаванне пра кіраўніцтва краіны ў эфіры". Затым Сас прасоўвала тэзісы Крамля на тэлеканалах 112 Украіна і ZIK. Усе гэтыя каналы мелі дачыненне да "кума" прэзідэнта РФ Уладзіміра Пуціна Віктара Медведчука. У 2021 годзе гэтыя каналы былі зачыненыя ў рамках процідзеяння замежнай прапагандзе.