Пракуратура Нідэрландаў: Малайзійскі Боінг збілі ракетай "зямля-паветра"
Такая асноўная версія камісіі па расследаванні аварыі рэйса MH17 "Малайзійскіх авіяліній".
Пра гэта паведамляе агенцтва Reuters са спасылкай на прадстаўніка галандскай пракуратуры Фрэда Вестэрбеке, які ўзначальвае міжнародную каманду па расследаванні трагедыі.
Эксперты выявілі 25 абломкаў металу ў целах загінулых і ў багажы, якія могуць дапамагчы вызначыць тып ракеты, якая збіла самалёт.
Раней галандская камісія па бяспецы палётаў у сваёй папярэдняй справаздачы заявіла, што самалёт паразіла вялікая колькасць невялікіх "высокаэнергетычных" аб'ектаў знізу.
Фота — Reuters
