Пераможцамі вышэйшай лігі КВЗ Эстоніі сталі беларусы
Кубак чэмпіёнаў і залатыя медалі Вышэйшай лігі Клуба вясёлых і знаходлівых Эстоніі атрымала каманда “27 па Грынвічы” з БДУ.
У фінале конкурсу выступілі таксама: каманда педагагічнага універсітэта з Мінска “Лепшыя сябры”, каманда Кіеўскага політэхнічнага інстытута і эстонская каманда “Суседзі”.
Не абышлося на конкурсе і без жартаў пра палітыку. Гэта спадабалася беларусам, паведамляюць мясцовыя СМІ.
“Больш за ўсё нам падабаецца тое, што ваша палітыка ўмее жартаваць з сябе. У яе ёсць пачуццё гумару. Гэта больш за ўсё спадабалася”, — падзяліліся з журналістамі ўдзельнікі каманды ”27 па Грынвічы”.
У гэтым годзе зборная БДУ дайшла да 1/8 фіналу Вышэйшай лігі КВЗ у Маскве. У Эстоніі беларусы выступаюць не ўпершыню.
Фота — ERR
