Перад выбарамі апазіцыя правядзе шэсце ў Мінску

Лідары апазіцыі плануюць правесці перад выбарамі ў цэнтры Мінска шэсце. Адпаведную заяву падпісалі Анатоль Лябедзька, Уладзімір Някляеў і Мікола Статкевіч. Мэтай акцыі пад лозунгам “Уладу — народу!” стане прыняцце рашэння “як дзейнічаць далей, каб вярнуць народу ўладу, якую ў яго скралі разам з “выбарамі”.

Палітыкі запрашаюць прыходзіць з нацыянальнымі сцягамі і стужкамі, крэатыўнымі плакатамі і ў вышыванках.

Раней меркавалася, што акцыя пройдзе ў форме мітынгу, але цяпер апазіцыя заяўляе пра шэсце.