Перад матчам зборнай Беларусі міліцыя правярала тэлефоны заўзятараў
Здарылася гэта 4 верасня на "Барысаў-Арэне".
Нагадаем, нацыянальная футбольная зборная праводзіла там таварыскі матч з камандай Таджыкістана і перамагла з лікам 6:1.
Як інфармуе сайт Belultras.by, у многіх людзей перад уваходам на арэну супрацоўнікі міліцыі прасілі дастаць тэлефон і ўключыць яго, каб паглядзець які малюнак стаіць на застаўцы.
Дарэчы, на паядынку беларусаў і таджыкаў быў устаноўлены антырэкорд наведвальнасці "Барысаў-Арэны" — 2460 чалавек.