Паўлу Севярынцу зноў далі адпачынак
Палітвязень традыцыйна скарыстае яго на тое, каб наведаць родных у Віцебску.
Павал Севярынец адбывае тры гады абмежавання волі ў спецкамендатуры вёскі Куплін Пружанскага раёна. У траўні 2011-га ён быў асуджаны паводле справы аб “масавых беспарадках” 19 снежня 2010 года.
Тэрмін пакарання для Паўла Севярынца заканчваецца сёлета 19 кастрычніка — такім чынам, яму засталося пратрымацца яшчэ тры месяцы, інфармуе прэс-служба БХД.
