Вы тут

Пасля 60 сутак арышту на волю выйшаў герой мема пра "памідоры са смятанай"

Анатоль Шалковіч / facebook.com

На волю выйшаў Анатоль Шалковіч, герой мема пра "памідоры са смятанай". Ён правёў за кратамі 60 сутак, быў прызнаны палітвязнем.

65-гадовага інжынера Шалковіча затрымалі 11 лістапада 2021-га. Неўзабаве з'явілася “пакаяльнае” міліцэйскае відэа з ім. Анатоль Шалковіч прызнаўся ў любові да чырвонага і белага колераў. "Мне заўсёды падабалася спалучэнне белага і чырвонага колераў, — казаў ён на відэа. — Я люблю памідоры са смятанай — гэта таксама белае з чырвоным".

Згаданае відэа стала вірусным, а Шалковіч — знакамітым. Яго два месяцы не выпускалі на волю — дадавалі чарговыя 15 сутак.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.